தனிமை எதற்கு? (Loneliness for What?) 🎖

சுற்றியிருப்பவரிடத்து சற்றும் சேராமல் எண்ண ஓட்டத்தில் வேறுபட்டு மனதளவில் விலகி தன்னைத் தானே உருக்கிக்கொண்டு தனிமை பிடியில் வாழும் தன்நிகரில்லா உள்ளங்களுக்கு சமர்ப்பணம்.

நூற்றில் தொண்ணூறு சதவீதமானோர் தனிமை கசப்பானதென்று அறிந்தும் சுற்றியிருப்பவரின் நல்குதல் இல்லாமையின் விளைவால் தனிமையில் தன்னைத் தானே திணித்துக்கொள்கிறார்கள். பெரும்பாலானோர் அவர்களின் சுற்றியிருப்பவர்களின் கசப்பான நிகழ்வாலும் மனம் ஒன்றா செயலாலும் தனிமையை மனக்குமுறலுடன் ஏற்றுக்கொள்கிறார்கள்.

தனிமையில் இருக்கும் நபரின் மனநிலை, உலகில் தனக்கென யாருமில்லை என்ற எண்ண ஓட்டத்தில் வாழ்க்கை எனும் ஓடத்தில் பயணிப்பார்கள். சில விடையங்களை பெற்றோர் உறவினர்களிடம் பகிர்ந்துகொள்ள தயக்கமிருக்கும். நண்பர்களிடத்து சேரா மனம் சில துயரம்வரும்போது, சொல்ல வழியில்லாமல் தன்னைத் தானே சிதைத்துக்கொள்ள முற்படும். அவர்களின் மனநிலை, யாரேனும் சிறிய அக்கறை காட்டிலும் அதை பெரும் கடலெனக் கொள்ளும் மனப்பாண்மை பின்பு அவர்களின் அன்பு பாசத்திற்க்கு ஏங்கி நிற்கும். 

அன்பு,பாசம் மற்றும் பகிர்தல் இல்லா மனம், மனித குணத்தில் இருந்து உளவியலால் மாற்றத்தால் மிருகமாகக் கூடும் (Psycho).  தனிமையில் திளைக்கையில், மனிதர்களிடம் ஒன்று சேரா நிலை (Human touch) மனிதகுணத்தில் இருந்து விலகி நம்பிக்கையின்மை, கோபம், செருக்கு, பொறாமை என அனைத்து தீயாகுணமும் ஆட்கொள்ள வாய்ப்புள்ளது.

சிலர் தனிமைப்பிடியில் மாட்டிக்கொண்டு மீள வழியறியாமல் தீயகுணதிற்க்கு வழிசெய்கிறார்கள். பெரும்பாலானோர், தனிமையில் இருப்பதை மறக்க மனதை ஏமாற்றி வாழ்கிறார்கள். அவர்கள் தன்னை வேலைப்பளுவில் புகுத்திக்கொள்வதின் காரணம், வேலை ஏதும் இல்லா சமயத்தில் தான் தனிமையில் உள்ள உண்மையை உணர்ந்துவிடக்கூடாது என்பதனாலே. பெருவாரியாக தனிமைப் பிடியில் மாட்டிக்கொள்பவர்கள் குடும்பத்தை விலகி அன்பிற்க்கு ஏங்கி நிற்கும் இளைஞர்களே.

தனிமையில் இருப்பதின் உண்மையை மனது அறியாதவாறு ஏதேனும் செயலில் ஈடுபடுத்திக்கொள்வது தவறான சிந்தனையில் இருந்து விளக்கிக்கொள்ள வழிவகுக்கும். தோட்டவேலை (Gardening), புத்தகம் படித்தல், வலைப்பதிவு எழுதுதல் (Blog writing), படம் வரைதல், படம் பிடித்தல் (Photography/ Videography) விலங்குகளிடம் நேரம் செலவிடுதல், ஆராய்ச்சியில் செலவிடுதல் என்று பலவழிகள் உள்ளது.

தனிமைக்கு தாங்கள் தங்களை இரையிடுவதின் காரணம், தங்களின் முன்னேற்றப்பாதையில் ஈட்டுச்செல்லும் எனில் தனிமை சிறப்பு. அவ்வாறு இல்லாமல் இருப்பின் தங்களை நித்தம் நோகடிக்கும் தனிமையில் இருந்து விலகிக்கொள்ளுதல் சிறப்பு.

தனிமை எதற்கு?
வேண்டாவெறுப்பாக ஏற்றுக்கொண்ட தனிமையை கொண்டு தன்னை தானே அழித்துக்கொள்கிறோமா? அல்லது எந்த சூழலையும் தனக்கு ஏற்றார்போல் வடிவமைத்துக்கொள்கிறோமா? என்பது தங்களிடமே முடிவுசெய்ய விடுகிறேன். தனிமையில் இருக்கையில் வரும் சிந்தனையானது தங்களின் வாழ்க்கையை தீர்மானிக்கவல்லது.

தனிமையில் இருக்கையில் நம் விரல்கோர்த்து நானிருக்கிறேன் என்று மனதார வாக்கிடுகையில் வரும் தன்னம்பிக்கையும் தைரியமும் அலாதியானது. குடும்பம் தவிர்த்து அன்பைக்காட்ட  நபர்கள் மனித சந்தையில் மிகக்குறைவு. அவ்வாறு கிடைக்கப்பெரின் தனிமை என்னும் இருளில் அருள் ஒளியாய் வருபவர்களிடத்து உண்மையாய், கோபம்கொள்ளாமல் , பொறாமை இல்லாமல், பொய் கூறாமை இருத்தல் சிறப்பு.

வாழ்வில் வளம் பெற வாழ்த்துகளுடன் நான் உங்கள் ஆனூர் பிரதீப்.

Share to friends via WhatsApp 
<முந்தைய பதிவு                                                                                                   அடுத்த பதிவு >

---

பக்கத்தில் பதியப்படும் செய்திகளை Notification ஆகப்பெற