நேரம் நிறைவேற்றும் (Time will Fulfil) 🎖

நம் வாழ்வில் எதுவும் எளிதில் உடனே கிட்ட ஆசைப்படுகிறோம். நம் ஆவல்கொண்ட தருணத்திற்கும் நமக்கும் இடைபட்டு நேரம் ஒன்று இல்லாதிருக்க ஆவல்கொள்வோம். அவ்வாறு நிகழ்ந்தால் அதன் அருமை, முக்கியத்துவம், சிறப்பு புரியாமலே போய்விடும். காத்திருத்தலே கிடைக்கப்பெறுதலின் வழி.

பிஞ்சிலே பழுக்கும் பழமானது  ஊட்டச்சத்து முழுமை அடையாமல் சுவை ஏதும் சிறக்காமல் பார்ப்பதற்கு கிட்டியதைப்போல் தோன்றினாலும் அதன் உண்மை சுவை மற்றும் பலன் கிட்டாது.
அதே போல் தங்களுக்கு வேண்டியதை தக்ககாலம் வரை பொறுத்திருந்து காலம் கனிய கிடைக்குமாயின் அதன் சுவை சிறப்பாக இருக்கும்.

காத்திருக்கும் காலத்தில் வேண்டுவதின் முக்கியத்துவம், அதன் தேவை, அதன் மீதுள்ள பற்று, மோகம், முக்கியத்துவம், சிறப்பு அனைத்தும் புலப்படும். காத்திருக்கும் வேளையில் அனுபவிக்கும் உணர்வைக்காட்டிலும் கிட்டும் போது கிடைக்கும் இன்பம் அலாதியானது.

"தங்களுக்கான பரிசை மூட்டையில் கட்டிக்கொண்டு வர தாமதமாகலாம்"

ஆசையின் விளைவால் ஒன்றை பெற முயல்வோம், அது உண்மையில் நமக்கு தேவைதானா என்பதை அறிய காலம் எடுத்துரைக்கும். தமக்கு சற்றும் உதவாத வெறும் ஆசையின் விளைவால் முளைத்த ஒன்று காலப்போக்கில் கரைந்தே போகும்.

தமக்கு தேவையுற்ற, நன்மை பயத்து நம்மை ஆட்கொள்ளும் ஒன்றானது,  காத்திருக்கும் வேளையில், தாம் செய்வதறியாது அதனை நித்தம் நினைத்து எதிர்பார்ப்பின் விளைவால் ஈர்ப்புவிதி செயல்பட்டு, வேண்டியது கிட்டும்.

"நேரம் செல்ல செல்ல ஒன்றன்மீதுள்ளபற்று பித்துக்குளிக்க வைக்கும்"

தங்கள் ஆசைக்கினங்க அக்கணமே நடக்குமாயின் அதன் நன்மை தீமை அறிய போதியகால அவகாசம் இல்லாமல் போய்விடும்.
புலால் உண்ணும் காட்டு விலங்கை பார்க்க ஆவல் கொண்டால் அதுவும் அக்கணமே நிகழ்ந்தால் நமதுநிலமை?

ஆவலில் போது நேர்மறை எண்ணங்கள் தோன்றிமறையலாம். விரும்பியது கிடைக்காமல் போய்விடுமோ என்ற எண்ணம், பதட்டமடைய செய்யும். பதறிய காரியம் சிதறும் என்பதனால் விரும்பியதை உள்ளூர நினைந்து அதனை நேர்மறை எண்ணத்தோடு காலம் கனிய காத்திருக்கவும்.

திருக்குறள் ௪௮௫ (485):

காலம் கருதி இருப்பர் கலங்காது
ஞாலம் கருது பவர்.

நன்நெறி வழி கொண்டு யார்க்கும் தீமையிழையா வண்ணம் எதிர்பார்க்கும் ஒன்றானது நேரம் தங்களுக்கு பரிசளிக்க வாழ்த்தி அருளும் நான் உங்கள் ஆனூர் பிரதீப்.

× WhatsAppஇல் பகிர...

---

பக்கத்தில் பதியப்படும் செய்திகளை Notification ஆகப்பெற