தாங்கள் வேண்டியது, விரும்பியது, ஆவல்கொண்டது, அடையநினைத்தது தங்கள் வாழ்வில் கிடைத்ததுண்டா?
ஆம் எனில், அதைதங்களுக்கு பரிசளிப்பது/பரிசளித்தது ஈர்ப்பு விதியே!
ஈர்ப்பு விதி என்றால் என்ன?
ஈர்ப்பு விதி என்பது தாங்கள் அடைவதற்காக மனதார ஒருநிலைபட்டு, பஞ்சபூதத்திற்கு கட்டளையிட்டு அதன்வழி ஈர்த்தல்.
தங்களிடம் உள்ள ஒவ்வொன்றும் (மனிதர்கள், பொருட்கள், வாழ்க்கைநிலை) ஈர்ப்புவிதியால் ஈர்க்கப்பட்டவையே.
ஈர்ப்பு விதி - மாற்றியமைக்கும்:
ஈர்ப்பு விதி என்பது தங்கள் மனம் ஆசைக்கிணங்க இசைந்து அவ்வாசையை நோக்கி மனம், செயல் மற்றும் குணத்தை மாற்றியமைக்கும். தாங்கள் அடைய நினைப்பதை நினைத்து அதன்வழி சிறுக சிறுக தொடர்ந்த்து மாறுவதால் பெரிதாக மாற்றம் அமையாதது போல் தங்களுக்கு தோன்றும், உண்மையில் தாங்கள் அந்த ஆசையை நோக்கி நகர்வது தான் உண்மை.
ஆசையை ஈர்ப்பாற்றலாய் மாற்றுவது எப்படி?
"ஒருவரின் வாழ்வில் ஆசைப்பட்டது அனைத்தும் ஈர்த்துவிட்டார்களா?" என்பது கேள்வி, ஆனால் கிடைத்த ஒவ்வொன்றும் ஆசைப்பட்டு ஈர்க்கப்பட்டவையே.
ஒருவரின் ஆசை ஈர்ப்பாற்றலாய் மாற்றுவது அவரவரின் ஆசையின் ஆழத்தை பொறுத்தே அமையும். ஆசையின் ஆழம் மனதில் சுவடுபடுமாயின் (Impression) அவ்வாசை ஈர்ப்பாற்றலாய் மாறவல்லவை. காலகட்டத்திற்க்கு ஏற்றார் போல் கல்வி, வேலை, மனம்சேர்ந்த துணை, வாழ்க்கை என அனைத்தும் ஈர்ப்பாற்றலுக்குள் அடங்கும்.
ஈர்ப்பு விதியும் வாழ்க்கையும்:
ஒவ்வொருவரின் உள்ளுணர்விலும் ஈர்ப்புவிசை இருக்கும். "என்னுள் உள்ள ஈர்ப்புவிசை வாழ்க்கையில் என்ன முன்னேற்றத்தை கொண்டுவரப் போகிறது?" என்ற கேள்வி இருந்தால், தங்களின் வாழ்க்கையை மாற்றியமைக்கவல்லது என்பதே பதில்.
தாங்கள் இருக்கும் தற்போதைய நிலை தாங்கள் ஈர்ப்பாற்றலால் ஈர்த்தவையே! எண்ணம்போல் ஈர்ப்பாற்றல் அமையும், தங்களின் எண்ணத்தின் வழி ஈர்ப்பாற்றல் செயல்படும். தங்களின் எண்ணத்தில் தங்கள் வாழ்க்கை இவ்வாறு அமைதல் வேண்டும் என எண்ணியிருப்பின், அதன் வழி ஈர்ப்புவிதி செயல்பட்டு வாழ்க்கை அமையும். தாங்கள் வாழ்க்கையில் ஆசைப்பட்டதை, தங்களின் எந்த கடின உடலுழைப்பும் இல்லாமல் எளிமையாக அடைய ஈர்ப்பு விதி வழிவகுக்கும்.
நாம் நகர்வதோடு நம்மை நோக்கியும் நகர்த்தும்:
ஈர்ப்பு விதி நம்மில் மட்டும் அடங்காது. இயற்கை துகளாய் இருக்கும் நமக்கு, நமது ஆசையை அடைய பால்வெளி அண்டமும் துணை நிற்கும். அறிவியலின் கூற்றுபடி, அனைத்தும் அணு ஆற்றலால் (Atomic Energy) அமைந்தது. ஒவ்வொரு செயலும் ஆற்றலால்(Energy) அமையும். நமது விருப்பம் ஈர்ப்பு ஆற்றலாய் மாறி இந்த பால்வெளி மண்டலத்தில் தேடலாய் பயணப்படும், கண்டறிந்து தங்களின் கரங்களில் சேர்க்கும். விண்கலத்திற்கு உந்து எரிபொருள் எவ்வளவு அவசியமோ அதேபோல் ஆசைக்கு உங்களின் ஈர்ப்பாற்றல் அவசியம்.
நல்ல சேவகன்(Server):
நான் ஆசைப்பட்டதை சில விடையங்களை(விஷயங்களை) அடையவில்லையே, ஈர்பாற்றல் போலியா என்ற கேள்வி எழலாம். ஈர்ப்புவிதிக்கு தாங்கள் போதைய சக்தி அளிக்கவில்லை என்பதே பொருள். முதலாளியின் கட்டளையே சேவகர்களின் செயல்பாடு. சேவகனாகிய ஈர்ப்புவிதிக்கு தாங்கள் முறையே கட்டளையிடப்படவில்லை என்பதே நிதர்சனம். ஈர்ப்புவிதி சரியே வேலைசெய்ய தங்கள் ஆசையின் அடிப்படை தேவையை பூர்த்திசெய்தல் அவசியம்.
அழிக்கும் ஆயுதம்:
ஈர்ப்புவிதி ஒரு நன்கு கூர் தீட்டப்பட்ட வாள். கையாளும் விதம் சரியாக இருத்தல் அவசியம் இல்லையேல், வாழ்விற்கு ஆபத்தாய் முடியும். சரியானவற்றை ஈர்ப்புவிதியை கொண்டு ஈர்த்து பயனடையவும். தாங்கள் ஈர்க்கப்படுவது வாழ்க்கையை மாற்றியமைக்க வல்லது அது சரியென ஈர்ப்பது தங்களின் மனதில்.
ஈர்ப்புவிதி அடைய வழி:
1. ஆசைப்படுத்தல்:
விரும்பியதை அடைய ஆசைப்படுத்தல் வேண்டும். அதை ஆழமாய் மனதில் நிலைக்க வைத்தல் அவசியம்.
2. தேவை உணர்தல்:
விரும்பியதின் தேவையை அறிதல் அவசியம். வெறும் ஆசை நாளடைவில் சலிப்பை ஏற்படுத்தி ஈர்ப்புவிதியை செயலற்று ஆக்கிவிடும்.
3. காதல்:
விரும்பியதை உள்ளளவில் காதல் கொண்டு அதையடைய எந்நேரமும் நினைத்திருந்தல் அவசியம்.
4. எதிர்மறை எண்ணங்களில் விலகி இருப்பது:
எதிர்மறை எண்ணங்கள் ஈர்ப்புவிதியை செயலற்றாக்க வல்லவை. நேர்மறை எண்ணங்களை நித்தம் நினைத்தல் அவசியம். தங்களை தாங்கள் விரும்பியதை அடைவதற்கு தகுதியுடையவர்கள் என்று நம்புதல் அவசியம்.
5. நினைத்தல்:
தாங்கள் விரும்பி ஈர்க்கநினைப்பதை ஒருமனதாகவும் தெளிவாகவும், குழப்பம், தடுமாற்றம், சந்தேகம் இல்லாமலும் ஈர்த்தல்வேண்டும்.
ஈர்ப்பாற்றல் அளவை அதிகரிக்க:
தாங்கள் ஆசைப்பட்ட ஈர்க்கநினைப்பது மனதார ஈரத்தால் வேண்டும்.ஆசைப்பட்டதை கிட்டியதுபோல் உணரத்துவங்குதல் வேண்டும். உணர்வின் மிருட்சியால் தங்களுக்கு அதை அடைவதற்கு உத்வேகத்தை தரும்.
மேல்கூறியவற்றை அறிந்து ஈர்ப்புவிதியை சரியே பயன்படுத்தி வாழ்க்கையை வண்ணமயமாக்கும் வண்ணம் ஈர்த்து சீர்செழிப்புடன் வாழவிரும்பும் நான் உங்கள் ஆனூர் பிரதீப்.
பக்கத்தில் பதியப்படும் செய்திகளை Notification ஆகப்பெற
Comments
Post a Comment