காணொளியும் (Video) கரைதலும்

நாம் வாழ்வில் முன்னேற சாதனை படைக்க தொழிலில் முன்னேற்றம் காண மனதைரியம் பெறுக நம்மை நாமே ஊக்குவிக்க பலரின் பேச்சை கேட்கிறோம் காணொளிகள் காண்கிறோம்.

உண்மையாக உணரவேண்டுவது அவர்களின் பேச்சு அந்த காணொளிகளை நாம் செவிவழி ஏற்றி காற்றில்கரைக்கிறோம் என்பதுதான். காணொளியில் அவர் பேசும் அந்த ரம்மிய குரலும், நல்லஎண்ணத்தின் விளைவும், நாம் கேட்கும் சிறுகாலம் நம்மை அதில் மூழ்கி வெற்றிக்களிப்பில் திளைக்கவைக்கும்.

நம்மை அவர்களின் சிறந்த பேச்சை ஆட்கொள்ளும் போது காதுகள் கேட்கும் ஆனால் மனமும் அறிவும் செவிமடுக்காது. விளைவு காற்றில் கரைதல்.

அந்த வேகம் துடிப்பு அனைத்தும் தொடர்ந்துஇருக்க காதுகளில் இருந்து மனதிற்கு எடுத்துச்சென்று அதை நிலை நிறுத்தவேண்டும். அதை செய்ய காணொளி இயற்றுபவரால் முடியாது. உலகை இயக்கும் உங்களால் மட்டுமே முடியும்.

பலரை பார்க்கிறோம் அறிஞரின் பேச்சை கேட்டு ஒரு செயலை துவங்கி அதை அதற்க்கு மேல் எடுத்துச்செல்ல முடியாமல் என்ன செய்யவேண்டும் என்பதை முழுமையாக சிந்திக்காமல் சொல்வண்ண கிளர்ச்சியில் துவங்கி சிக்கித்தவிக்கும் சின்னங்சிறு சிட்டுக்கள். இதை தவிர்க்க செய்யும் செயலில் தெளிவு பெற்று துவங்குதல் சிறப்பு.


"கடைக்கொட்கச் செய்தக்க தாண்மை இடைக்கொட்கின்
எற்றா விழுமந் தரும்." 

உணர்தலே உயர்வின் முதல்படிக்கட்டு. காணொளி கேட்க மட்டும் செய்யாமல் உணரத்துவங்கங்கள். அந்த உணர்வு தொடர்ந்து இருக்க, அதை மனதில் நிலைநிறுத்துங்கள். அதை நோக்கி செல்லுங்கள். நினைத்ததை நித்தம் அடையுங்கள். இவ்வண்ணம் ஆனூர் பிரதீப்.
Share via Whatsapp

முந்தைய பதிவு                                                                                   அடுத்த பதிவு

---

பக்கத்தில் பதியப்படும் செய்திகளை Notification ஆகப்பெற